-


             DIE REGTER VAN ALLE REGTERS

               TEKS: PSALM 50

Regters bepaal of 'n beskuldigde skuldig is en moet ‘n regverdige straf oplê, in geval van skuldigbevinding. Om dit te kan doen het hy altyd al die getuies en aanklagte  voor hom. Op grond daarvan maak hy ‘n beslissing. Aardse regters maak wel foute en daar is altyd ‘n kans dat ‘n skuldige nie skuldig bevind word nie.
In Psalm 50 is God as Regter aan die woord. Hy het ‘n regsaak teen sy volk. Hulle probeer hom bluf met ‘n uiterlike vorm godsdiens van offer op offer in die tempel, maar hulle lewe is nie in lyn met wat offers en die ritueel nie. Dag na dag verbreek hulle die  verbond. In hulle verwaandheid dink hulle hulle kan God met ‘n valse en oneerlik godsdiens bluf. Hulle kan nie. Geen mens kan, want Hy sien deur ons. Hy ken elke gedagte en elke woord wat ons uiter. Niks ontsnap die Regter se oog nie. Hy weet wie is net Sondag christene. Gelowiges kan Sondag na Sondag in die erediens sit, elke dag Bybel lees en bid, terwyl dit net lippediens  is. Net bluf. Geen egtheid.  

Op die oordeelsdag sal die Regter oor alle  lewendes en dooies oordeel. Ons hele lewe sal oop en bloot voor Hom wees, elke woord, elke daad. Genadiglik is die Regter ook Middelaar. Die Een wat ter dood veroordeel is, sodat ons vrygespreek kan word en lewe. Ons, as die terdoodveroordeeldes, kan ons nou nog op Hom beroep. By Hom is daar genade en vergifnis.                     


Opmerkings

Plaas 'n opmerking

Gewilde plasings van hierdie blog

DIE UITNODIGING

-
Prent
                                                                                                                     DIE UITNODIGING JES. 55:1-15 Piet, ‘n direkteur van baie maatskappye,  het hom afgesloof en dood gewerk. Saans doodmoeg op sy bed neergeval. Aan geld geen tekort nie. Van geluk en lewens bevrediging geen sprake. 'n Tipiese voorbeeld van die moderne mens wat dink hierdie aarde, met alles wat dit bied, kan  lewens bevrediging bied. Die ballinge in Babel is 'n voorbeeld van mense wat hulle rug op God gedraai en gedink het hierdie aarde kan lewensgeluk  bied. Babel en ballingskap het nie hulle koppie van geluk g...
Read more »

GEESTELIKE BLINDHEID

-
Prent
  GEESTELIKE BLINDHEID TEKS: JOHANNES 9 Fisiese blindheid is erg. Geestelike blindheid ‘n ramp. Jy is soos ‘n dorstige in die woestyn vyf tree van die oase, maar jy weet dit nie! Die Fariseërs in Joh. 9 was so blind dat hulle net hulle reëlboek (Wet v Moses) gesien het. Nie die man in nood of vir Jesus nie. Van barmhartigheid, waarvoor geestelikes en die kerk bekend moet wees, was daar nie sprake nie. Hulle het Jesus selfs as ‘n sondaar en bedreiging vir hul gesag beskou! Dit is nogal ‘n kwade dag as die geestelikes en die kerk, wat die stad op ‘n berg moet wees, self nie die lig het nie. Die kerk het ‘n donker geskiedenis van geestelike blindheid wat sy geloofwaardigheid en impak steeds erg knou. Dink maar net aan die periode 1948-1994 in SA. Die kerk was tjoepstil, terwyl miljoene se menswaardigheid vertrap is. Met blindheid geslaan deur nasionalisme en die apartheidsideologie. Die Pouslike land grab dekreet van die 12de eeue het Rooms Katolieke lande se hande met bloed bevlek in...
Read more »