DIE OORSTEEK VAN GRENSE MAAK 'N VERSKIL (JOH. 4)

-



DIE OORSTEEK VAN GRENSE MAAK ‘N VERSKIL (Joh. 4:1-26)

Sonder vrouens kan geen samelewing funksioneer nie. Ongelukkig speel die vrou in baie samelewings steeds tweede viool. Ons land, met sy oorwegend swart bevolking, is geen uit uitsondering nie. Die lengte en breedte van Suid-Afrika is besaai met stukkende, vernederde, verstote, gebruikte, geskeide, vernielde en verwaarloosde vrouens.

In Samaria het daar ook 'n vertrapte vrou gewoon. Sy was al drie maal getroud. Drie maal is sy die deur gewys en vir die wolwe gegooi. Die maksimum wat 'n vrou kon trou. Vrouens is nie in die ekonomiese sektor toegelaat en was afhanklik van die guns van 'n ontfermings engel. Sy het waarskynlik saam met 'n tweede man gewoon, wat haar net misbruik het. Haar menswaardigheid is vertrap.

Jesus het die grens oorgesteek en kortpad deur Samaria gevat. 'n Pad wat geen Jood gebruik het nie vanweë hulle haat vir die Samaritane, wat 'n mix breed was. By die put steek die moeë en dorstige Jesus nog 'n grens oor. Hy, 'n Joodse rabbi, praat met 'n Samaritaanse vrou. Kultureel verbode. Ongeoorloof. Hy identifiseer met hierdie gebroke vrou van gemengde afkoms, bied haar die lewende water (verlossing) aan en herstel haar menswaardigheid. Jesus het juis die kortpad deur Samaria gekies om by haar uit te kom. Hy is mos die fontein van die lewe (Ps. 36:9).

Jesus Christus het die grens tussen hemel en aarde, tussen mens en mens, ryk en arm, geleerd en ongeleerd, taal, kultuur, ras en gender (Kol. 3:11) oorgesteek om te identifiseer, te lief, te genees, herstel en nuwe lewe te gee. Vandag steek Hy grense oor deur jou en my. 


#meditasieblog #afrikaansmeditasieblog #afrikaansblog #Afrikaansemeditasie #Afrikaansinspirasie #afrikaansinnerlikevreugde #afrikaansselfontwikkeling #afrikaansgeesverryking


 

Opmerkings

Plaas 'n opmerking

Gewilde plasings van hierdie blog

DIE UITNODIGING

-
Prent
                                                                                                                     DIE UITNODIGING JES. 55:1-15 Piet, ‘n direkteur van baie maatskappye,  het hom afgesloof en dood gewerk. Saans doodmoeg op sy bed neergeval. Aan geld geen tekort nie. Van geluk en lewens bevrediging geen sprake. 'n Tipiese voorbeeld van die moderne mens wat dink hierdie aarde, met alles wat dit bied, kan  lewens bevrediging bied. Die ballinge in Babel is 'n voorbeeld van mense wat hulle rug op God gedraai en gedink het hierdie aarde kan lewensgeluk  bied. Babel en ballingskap het nie hulle koppie van geluk g...
Read more »

GEESTELIKE BLINDHEID

-
Prent
  GEESTELIKE BLINDHEID TEKS: JOHANNES 9 Fisiese blindheid is erg. Geestelike blindheid ‘n ramp. Jy is soos ‘n dorstige in die woestyn vyf tree van die oase, maar jy weet dit nie! Die Fariseërs in Joh. 9 was so blind dat hulle net hulle reëlboek (Wet v Moses) gesien het. Nie die man in nood of vir Jesus nie. Van barmhartigheid, waarvoor geestelikes en die kerk bekend moet wees, was daar nie sprake nie. Hulle het Jesus selfs as ‘n sondaar en bedreiging vir hul gesag beskou! Dit is nogal ‘n kwade dag as die geestelikes en die kerk, wat die stad op ‘n berg moet wees, self nie die lig het nie. Die kerk het ‘n donker geskiedenis van geestelike blindheid wat sy geloofwaardigheid en impak steeds erg knou. Dink maar net aan die periode 1948-1994 in SA. Die kerk was tjoepstil, terwyl miljoene se menswaardigheid vertrap is. Met blindheid geslaan deur nasionalisme en die apartheidsideologie. Die Pouslike land grab dekreet van die 12de eeue het Rooms Katolieke lande se hande met bloed bevlek in...
Read more »