DIE TROUE EN ALMAGTIGE SKEPPERGOD

-



 

    

            
                DIE TROUE EN ALMAGTIGE SKEPPERGOD

Droogte, onvrugbaarheid en swak oeste is oor die eeue dikwels met die afwesigheid en onttrekking van die gode geassosieer. Veral in die heiden godsdienste van die Ou Nabye Ooste. Die Baäl aanbidders het droogte en onvrugbaarheid as die afwesigheid van Baäl beleef. Dié heidense “geloof” moes groot impak op die ballinge in Babel se wankelende geloof gehad het.

Hierdie “geloof” en oortuiging bestaan steeds in sekere landboukringe. Droogte en onvrugbaarheid word deur baie gelowige boere as ‘n teken van God se afwesigheid en onbetrokkenheid beleef. ‘n Aanduiding dat Hy nie meer in beheer van die skepping en natuur is nie.

Die kosmiese beelde in Jesaja 41:17-21 is ‘n troos dat God honderd present in beheer van sy skepping is. Hy laat nooit die werke van sy hande vaar nie. Hy omskep kaal bergtoppe en dor woestyne in ‘n groen lushof. Namakwaland, met sy pragtige blom kombers, is ‘n sprekende voorbeeld daarvan.

Daarom sê die Here vir die moedelose ballinge:  Ek sal op die kaal bergtoppe riviere laat ontspring, en in die laagtes fonteine laat uitborrel. Ek sal woestyngebied in rietvlei verander, dor land in fonteinwêreld (Jes 41:18).

#meditasieblog #afrikaansmeditasieblog #afrikaansblog #Afrikaansemeditasie #Afrikaansinspirasie #afrikaansinsigte #afrikaanswysheid #afrikaansgeloof

Opmerkings

Plaas 'n opmerking

Gewilde plasings van hierdie blog

DIE UITNODIGING

-
Prent
                                                                                                                     DIE UITNODIGING JES. 55:1-15 Piet, ‘n direkteur van baie maatskappye,  het hom afgesloof en dood gewerk. Saans doodmoeg op sy bed neergeval. Aan geld geen tekort nie. Van geluk en lewens bevrediging geen sprake. 'n Tipiese voorbeeld van die moderne mens wat dink hierdie aarde, met alles wat dit bied, kan  lewens bevrediging bied. Die ballinge in Babel is 'n voorbeeld van mense wat hulle rug op God gedraai en gedink het hierdie aarde kan lewensgeluk  bied. Babel en ballingskap het nie hulle koppie van geluk g...
Read more »

GEESTELIKE BLINDHEID

-
Prent
  GEESTELIKE BLINDHEID TEKS: JOHANNES 9 Fisiese blindheid is erg. Geestelike blindheid ‘n ramp. Jy is soos ‘n dorstige in die woestyn vyf tree van die oase, maar jy weet dit nie! Die Fariseërs in Joh. 9 was so blind dat hulle net hulle reëlboek (Wet v Moses) gesien het. Nie die man in nood of vir Jesus nie. Van barmhartigheid, waarvoor geestelikes en die kerk bekend moet wees, was daar nie sprake nie. Hulle het Jesus selfs as ‘n sondaar en bedreiging vir hul gesag beskou! Dit is nogal ‘n kwade dag as die geestelikes en die kerk, wat die stad op ‘n berg moet wees, self nie die lig het nie. Die kerk het ‘n donker geskiedenis van geestelike blindheid wat sy geloofwaardigheid en impak steeds erg knou. Dink maar net aan die periode 1948-1994 in SA. Die kerk was tjoepstil, terwyl miljoene se menswaardigheid vertrap is. Met blindheid geslaan deur nasionalisme en die apartheidsideologie. Die Pouslike land grab dekreet van die 12de eeue het Rooms Katolieke lande se hande met bloed bevlek in...
Read more »