-


                                                         HULP VAN DIE HULPELOSES

TEKS: PSALM 10

Om op die oop see op ‘n stuk plank rond te dryf sonder enige hulp in sig, is vreesaanjaend. Geen mens begeer so ‘n situasie van hulpeloos- en magteloosheid nie. Ons lewens bootjie beland dikwels in stormwaters wat dreig om dit te laat kantel.

Die psalmis het hom in so ‘n situasie van hulpeloos- en magteloosheid bevind. Uitgelewer aan die brutaliteit en geweld van goddelose mense, wat hom wou vermoor en sy besittings afvat. Selfvoldane, hoogmoedige mense wat oorloop van selfvoldaanheid en selfversekerdheid. Leuenaars en bedrieërs wat nie huiwer om moord te pleeg om hulle doel te bereik. Goddeloses wat nie gedink het God sal van hulle rekenskap vra of hulle tot verantwoording roep nie.

Sy grootste krisis was die feit dat dit vir hom gevoel het die goddeloses is in beheer en God, sy enigste toevlug,  is afwesig. Om daardie vrees te besweer roep hy tot God: “Waarom staan U so  ver weg, Here? Waarom trek U U terug in tye van nood? (1) “Kom tog, Here! Toon U mag, o God! Moet die hulpeloses nie vergeet nie (12)”.

Sy klaaglied eindig met ‘n lofbetuiging (getuienis) in die kultus (erediens): U het die gesmeek van die hulpeloses gehoor, Here. U sorg dat mense wat geen regte het nie en onderdruk word, goed behandel word. Daarom hoef niemand bang te wees vir mags behepte mense nie. God self sal met al die skuldiges afreken (17-18). Hy glo sy God is Koning en beheer. Hy is Regter oor die nasies en Beskermer van die verdruktes. Dit is sy troos. Is dit ook jou troos?

#meditasieblog #afrikaansmeditasieblog #afrikaansblog #Afrikaansemeditasie #Afrikaansinspirasie #afrikaansgeloof

Opmerkings

Plaas 'n opmerking

Gewilde plasings van hierdie blog

DIE UITNODIGING

-
Prent
                                                                                                                     DIE UITNODIGING JES. 55:1-15 Piet, ‘n direkteur van baie maatskappye,  het hom afgesloof en dood gewerk. Saans doodmoeg op sy bed neergeval. Aan geld geen tekort nie. Van geluk en lewens bevrediging geen sprake. 'n Tipiese voorbeeld van die moderne mens wat dink hierdie aarde, met alles wat dit bied, kan  lewens bevrediging bied. Die ballinge in Babel is 'n voorbeeld van mense wat hulle rug op God gedraai en gedink het hierdie aarde kan lewensgeluk  bied. Babel en ballingskap het nie hulle koppie van geluk g...
Read more »

GEESTELIKE BLINDHEID

-
Prent
  GEESTELIKE BLINDHEID TEKS: JOHANNES 9 Fisiese blindheid is erg. Geestelike blindheid ‘n ramp. Jy is soos ‘n dorstige in die woestyn vyf tree van die oase, maar jy weet dit nie! Die Fariseërs in Joh. 9 was so blind dat hulle net hulle reëlboek (Wet v Moses) gesien het. Nie die man in nood of vir Jesus nie. Van barmhartigheid, waarvoor geestelikes en die kerk bekend moet wees, was daar nie sprake nie. Hulle het Jesus selfs as ‘n sondaar en bedreiging vir hul gesag beskou! Dit is nogal ‘n kwade dag as die geestelikes en die kerk, wat die stad op ‘n berg moet wees, self nie die lig het nie. Die kerk het ‘n donker geskiedenis van geestelike blindheid wat sy geloofwaardigheid en impak steeds erg knou. Dink maar net aan die periode 1948-1994 in SA. Die kerk was tjoepstil, terwyl miljoene se menswaardigheid vertrap is. Met blindheid geslaan deur nasionalisme en die apartheidsideologie. Die Pouslike land grab dekreet van die 12de eeue het Rooms Katolieke lande se hande met bloed bevlek in...
Read more »