DIE UITNODIGING

-

 

                                    


                                                        DIE UITNODIGING

JES. 55:1-15

Piet, ‘n direkteur van baie maatskappye,  het hom afgesloof en dood gewerk. Saans doodmoeg op sy bed neergeval. Aan geld geen tekort nie. Van geluk en lewens bevrediging geen sprake. 'n Tipiese voorbeeld van die moderne mens wat dink hierdie aarde, met alles wat dit bied, kan  lewens bevrediging bied.

Die ballinge in Babel is 'n voorbeeld van mense wat hulle rug op God gedraai en gedink het hierdie aarde kan lewensgeluk  bied. Babel en ballingskap het nie hulle koppie van geluk gevul nie. Inteendeel. Dit het hulle net meer onbevredig gelaat. Honger en dors.

Nou kom God, die troue Verbondsgod, na sy volk, die volk wat hom vir die afgode verruil het,  en nooi hulle om weer in 'n verbondsverhouding met Hom te kom lewe om lewe in oorvloed (Joh. 10:10) te geniet: Kom, almal wat dors is, kom na die water toe, selfs ook dié wat nie geld het nie, kom, koop en eet; ja, kom, koop sonder geld en sonder om te betaal, wyn en melk (1) Onbegryplik! Genade op genade op genade. Gratis.

Dis 'n dringende uitnodiging. 'n Uitnodiging wat absolute lewens bevrediging waarborg: Gee aandag en kom na My toe, luister, en julle sal lewe (3) Die Kerkvader Augustinus het in sy Confessions geskryf: “Thou hast made us for thyself, and our heart is restless until it finds its rest in thee”. Lewensbevrediging lê in ‘n totale oorgawe aan God.

Jesus nooi die ganse mensdom: “Kom na My toe, almal wat uitgeput en oorlaai is, en Ek sal julle rus gee (Mat. 11:28)

Opmerkings

Plaas 'n opmerking

Gewilde plasings van hierdie blog

GEESTELIKE BLINDHEID

-
Prent
  GEESTELIKE BLINDHEID TEKS: JOHANNES 9 Fisiese blindheid is erg. Geestelike blindheid ‘n ramp. Jy is soos ‘n dorstige in die woestyn vyf tree van die oase, maar jy weet dit nie! Die Fariseërs in Joh. 9 was so blind dat hulle net hulle reëlboek (Wet v Moses) gesien het. Nie die man in nood of vir Jesus nie. Van barmhartigheid, waarvoor geestelikes en die kerk bekend moet wees, was daar nie sprake nie. Hulle het Jesus selfs as ‘n sondaar en bedreiging vir hul gesag beskou! Dit is nogal ‘n kwade dag as die geestelikes en die kerk, wat die stad op ‘n berg moet wees, self nie die lig het nie. Die kerk het ‘n donker geskiedenis van geestelike blindheid wat sy geloofwaardigheid en impak steeds erg knou. Dink maar net aan die periode 1948-1994 in SA. Die kerk was tjoepstil, terwyl miljoene se menswaardigheid vertrap is. Met blindheid geslaan deur nasionalisme en die apartheidsideologie. Die Pouslike land grab dekreet van die 12de eeue het Rooms Katolieke lande se hande met bloed bevlek in...
Read more »