GRENSLOSE LIEFDE

-

 


Psalm136

Behalwe dat menslike liefde in ‘n moderne, materialistiese samelewing beperk is tot tyd, ruimte en plek is dit ook gemeng met selfsug en self gerigtheid. I Korintiërs 13 wys al die donker vlekke van liefdeloosheid uit. Liefde kan ook saamgaan met soveel verkeerde motiewe en dekmantels. Die koek vir die buurvrou kan na welwillendheid lyk, maar eintlik is dit ‘n gespog met jou bak vermoë. Die stomende jeug liefde gaan nie oor die “geliefde” nie, maar eie wellus.

Die digter van Ps. 136 besing die liefde van God. ‘n Liefde wat in skrille kontras met die van die mens staan. Die refrein, “Aan Sy liefde is daar geen einde nie”, wat waarskynlik deur die gemeente gesing is, word 26 maal herhaal. God se liefde is grensloos en strek oor al vyf kontinente. Dit is eindeloos en nie gebonde aan ruimte en tyd nie. Sy liefde omvat alle horisonne sover as die ooste en weste, die noorde en suide, maar ook alle volke en nasies. God se verlossingsplan sluit immers geen mens uit nie. Hy het die aarde as ruimte (blyplek) aan die mens gegee om te bewoon, bewerk en te bestaan. Hy hou ook die ligte (son, maan) aan waarsonder daar geen lewe kan wees nie. Hy gee alle lewe en hou dit in stand om mens en dier te voed.  

Aan ‘n kruishout het Hy tasbaar en sigbaar sy liefde vir die mens getoon. In die Gekruisigde het God sy hart vol liefde kom wys en verlossing aan ‘n verlore mensdom geskenk.

Opmerkings

Plaas 'n opmerking

Gewilde plasings van hierdie blog

DIE UITNODIGING

-
Prent
                                                                                                                     DIE UITNODIGING JES. 55:1-15 Piet, ‘n direkteur van baie maatskappye,  het hom afgesloof en dood gewerk. Saans doodmoeg op sy bed neergeval. Aan geld geen tekort nie. Van geluk en lewens bevrediging geen sprake. 'n Tipiese voorbeeld van die moderne mens wat dink hierdie aarde, met alles wat dit bied, kan  lewens bevrediging bied. Die ballinge in Babel is 'n voorbeeld van mense wat hulle rug op God gedraai en gedink het hierdie aarde kan lewensgeluk  bied. Babel en ballingskap het nie hulle koppie van geluk g...
Read more »

GEESTELIKE BLINDHEID

-
Prent
  GEESTELIKE BLINDHEID TEKS: JOHANNES 9 Fisiese blindheid is erg. Geestelike blindheid ‘n ramp. Jy is soos ‘n dorstige in die woestyn vyf tree van die oase, maar jy weet dit nie! Die Fariseërs in Joh. 9 was so blind dat hulle net hulle reëlboek (Wet v Moses) gesien het. Nie die man in nood of vir Jesus nie. Van barmhartigheid, waarvoor geestelikes en die kerk bekend moet wees, was daar nie sprake nie. Hulle het Jesus selfs as ‘n sondaar en bedreiging vir hul gesag beskou! Dit is nogal ‘n kwade dag as die geestelikes en die kerk, wat die stad op ‘n berg moet wees, self nie die lig het nie. Die kerk het ‘n donker geskiedenis van geestelike blindheid wat sy geloofwaardigheid en impak steeds erg knou. Dink maar net aan die periode 1948-1994 in SA. Die kerk was tjoepstil, terwyl miljoene se menswaardigheid vertrap is. Met blindheid geslaan deur nasionalisme en die apartheidsideologie. Die Pouslike land grab dekreet van die 12de eeue het Rooms Katolieke lande se hande met bloed bevlek in...
Read more »